Angarela Teatro
Transformación social dende o escenario
En Angarela cremos no teatro como unha poderosa ferramenta para xerar un cambio real na sociedade. A través da xestión de proxectos de artes escénicas con enfoque social e educativo, transformamos cada espazo nun lugar de reflexión, participación e transformación. Deseñamos propostas que combinan a arte dramática coa intervención comunitaria, abordando temas como a igualdade, a empatía e a convivencia pacífica.
A nosa traxectoria
Teatro con propósito, compromiso co cambio
Angarela nace da aposta por un teatro que vai máis alá do entretemento: un teatro que transforma. Ao longo da nosa andaina consolidamos unha identidade que combina a escenografía coa intervención social e educativa. Traballamos con centros educativos, organizacións sociais, espazos culturais e comunidades que comparten a nosa visión dunha sociedade máis igualitaria e empática. Cada proxecto é unha oportunidade para xerar reflexión, diálogo e acción colectiva.
Proxectos destacados
Escenarios onde comeza o cambio
Romper co guión
A desigualdade está presente en todos os recunchos da sociedade. “Breaking the Script” non é só un obradoiro: é unha experiencia teatral transformadora onde os estudantes deixan de ser espectadores e se converten en protagonistas do cambio.
Obxecto intermediario
Este proxecto utiliza os títeres como ferramentas para promover a expresión emocional, a comunicación e o desenvolvemento persoal en diversos grupos. A metodoloxía baséase no uso do teatro de obxectos para traballar con persoas en situación de vulnerabilidade, nenos, adolescentes e colectivos con necesidades especiais.
Actuando en Convivencia
O proxecto “Actuando en Convivencia” ten como obxectivo mellorar a convivencia e fomentar a empatía entre o alumnado de ESO a través do teatro, no que as nenas e os nenos poidan explorar realidades diversas desde diferentes perspectivas.
Marcas que colaboran con nós
Entidades colaboradores
Construímos xuntos escenarios para o cambio
